Cyber crime kya hai aur isse kaise bache?

SHARE:

Cyber crime

Cyber crime ek aisa jurm hai jo anjane me ya jan bhuj kar kiya jata hai. Computer, Internet, Phone calls etc se kiye gaye apradh ko cyber crime kahte hai.

Yeh crime taqreeban sab log karte hai, kuch anjane me to kuchh jan bujhke aisa karte hai par unhe is bat se koi fark nahi padta.
Yeh ek sangeen apradh hai jo ise karne wala saja ka haqdar banta hai.

Cyber crime kai tarah ke hote hai jinme kuch samanya to kuch bahut adhik nuksaan dene wale hote hai Jinhe group of hackers anjam dete hai. 

Cyber crime me bahut sare apradh jaise computer aur mobile devices ka wrong use karke data hack karna, kisi ko blackmail karna, kisi ko apmanit ya kisi tarah se hani pahunchna, Copyright items aur contents churana, data hacking, Software, movies aur creative work ki piracy etc. Chaliye inhe vistar se jante hai.

Cyber crime ke parkar : Types Of Cyber Crime

1. Blackmailing

Aajkal bahut sare social media whatsapp, facebook, twitter, imo aur chat apps friends aur relatives ko ek dusre se connected rahne ke liye bane hai par log inka galat tarike se istemal karne lag gye hai.

Example ke liye koi ladka ya ladki kisi se love affair karke emotionally apne partner ko private photos, videos send karne ke liye kahte hai par innocent victims ko itna andaja bhi nahi hota hai ki partener pe trust karke jo video, photo send ki ja rahi hai wo ek din unke liye bahut bada dukh ka pahad khara kar degi.

Agr ek bar inko aisi tasvire aur video hasil ho jaye fir to iska istemal blackmailing ke liye shuru ho jata hai.

Iske jariye victims se paisa ya fir jism ki demand ki jati hai mana karne par in videos aur photos ko public karne ki dhamki di jati hai.

2. Fake Mails & Calls

Kai bar hamare pas farji calls ya mails bhi aate hai jisme caller kahta hai ki aapka ATM card band hone wala hai hume ATM card ki details de ise chalu karne ke liye. 

To yad rakhiye bank kabhi aise confidential details jaise ATM pin no. Cvv code. ATM expiry, account number ya internet banking passwords etc ko phone calls aur mails ke dwara kabhi nhi poochhti.

Kabhi - kabhi aapne aise E-mails bhi dekhe honge jisme likha hota hai
ki aap is company (Coca-Cola, Samsung) se 1200000 pounds ki lottery jit gaye hai. 
Is ammount ko claim karne ke liye Apna Name, DOB, Add, Phone no. etc send kare taaki yeh amount aapke bank account me transfer ki ja sake. 

To aisi koi lotteries nhi hoti hai. Aise mails sirf hackers ke dwara logo se information collect karke unke bank accounts ya personal data theft karne ke liye bheje jate hai. 

Ye bhi ek bahut bada cyber crime hai jiske changul me fansne ke bad apka bahut jyada nuksan ho sakta hai.

3. Virus ke dwara hacking

Kabhi- kabhi hackers Debit/Credit card bank account aur secret passwords hack karne ke liye internet ke madhyam se Virus, Trojan horses, Spyware, Malware chodte hai.


Ye viruses aap ke computer ko infected kar dete hai aur computer operating system me store hoke aapke personal data aur inputs hackers ko send karte rahte hai jisse aap ke computer ke stored data aur passwords sab kuch hack ho sakte hai.

4. Pornography

Pornography sabhi dekhte hai par yeh kuchh countries me ban hai fir bhi log apne phone aur computers ko virtual private network (VPN) ke istemal se porn sites ko access karte hai

Porn photos, videos download karte hai aur ise apne dosto ko bhi send karte hai. 

Also read : Computer me adults site ko kaise block kare?

Iske alava child Pornography har countries ke law ke according Cyber crime ke tahat aati hai.

Child porn videos, photos produce karna. MMS bnana, inhe bechna aur kharidna, logo ke sath share karna ek bahut bada kanuni apradh hai. Aisa karte paye jane par aap saja ke haqdar ban jate hai.

5. Copyright items churana 

Kisi other website se creative work jaise photos, videos, Audios,  blog contents, animation, logo etc ko chori karna yani copy paste karna bhi cyber crime hai kyunki aise creative work me owner ka samay, paise aur art ka use hota hai jisse us par sirf owner ka hi malikana haq hota hai. 

Unki permission ke bina unke kaam ko chura ke apne business ke liye istemal karna hume jail ki salakhon ke pichhe dal sakta hai ya fir bhari muvja bharna pad skta hai.

6. Pirated Software 

Pirated software yani ki original software ki nakal karke bechna aur kharidna bhi apradh ki shreni me aata hai. 

Aisa karne se software company ko bahut nuksan uthana padta hai. Agar aap aisa kaam kar rahe hai to sawdhan ho jaye. 

Agar aap aise pirated software ko apne Computer me bhi istemal kar rahe hai to aap cyber crime kar rahe hai aur apko iska khamiyaja bhugatna pad sakta hai.

7. Copyright items (Movies, Audio, Video)

Movies, Songs, Video albums etc ki pirated CDs, DVDs,  saste me kharidna ya fir inhe free websites se download karke istemal karna bhi cyber apradh me aata hai. 

Aap jis free site se ye sab kuch download kar rahe hai kya pta wo site kisi hackers ne banai ho jo iske jariye download karte samay apke computer me virus chhode jate hon jo remotely aapki sabhi information aur data hackers ko transfer kar dete hain. 

Aisa karne se aapko 2 tarah se nuksan hoga. Aapke data hack honge aur aur pirated video,  audios aur movie ka use karne se aap jurm ke bhagidar ban jayenge.

8. Apwah failana 

Kuch log social sites Facebook, Whatsapp, twitter jaisi sites pe logo ki dharmik bhavnao se khilwad karke danga fasad karwate hai jinme rajnaitik partiyan sabse aage hai. 

Log inhe sach mankar ek dusre ke sath share bhi karte rahte hai. Agr aap aisi activities me bhag lete hai to aap bhi jurm ke sikar ho rhe hai.

9. Internet connection ka galat istemal  

Internet connection aur Wi-Fi ka durupyog karna bhi apradh hai jaise ki jab hum kisi other locations pe jate hai to hume bahut sare Wi-Fi network milte hai.

Jinme se kuch open Wi-Fi network bhi hote hai free hone ke karan hum unhe connect karke istemal kar lete hai. 

Kya aap jante hai ki aisa karne pe aapke secret data aapke phone device se hack ho sakte hai. 
Agar aap internet banking, mails, social sites etc ko login karte hai to aapke passwords aur other information bhi hack hone ke chances badh jate hai.

Isi tarah se hum Wi-Fi connection lagwate hai to ise password protected rakhna chahiye taki koi bhi iska galat istemal karke mails, msgs send na kar sake.

Agar terrorism activities me terrorist aapka wifi network access karke kisi ko mails aur messages bhejte hai to police unhe to pakdegi bad me sabse pahle aap tak aa pahunchegi kyunki wo mails aur messages aapke internet connection se bheje gye the.

Jab cyber cafe me Internet istemal karne jate hai to hum bina ID card ki copy diye bager cafe use nahi kar sakte kyunki cyber owner ko bhi wrong activities ke liye police ko jwab dena padta hai. 

Internet ka galat istemal hone par cyber owner hamari ID police ko sonp dete hai aur police asani se hume pakad sakti hai. Isliye apne Wi-fi connection ko kabhi open na rakhe.

10. Cyber Bullying

Aajkal kuch asamajik tatv jo social media pe chat ya mails ke jariye mahilao ko pareshan karte hai, dhamkate hai, aslil video send karke preshan karte hai. 

Is tarah ke apradh ke pichhe apradhi ka main maksad sharirik shoshan aur paisa enthana rahta hai.

11. Internet ke dwara Prostitution

Internet ke jariye prostitution bhi badhta ja raha hai. social media ya other form of prostitution jo internet ke madhyam se failane me istemal kiya jata hai unhe bhi cyber crime ke dayre me liya ja sakta hai.

12. International hacking

Hackers companies ya govt official websites ko hack karke paise ki demand karte hai. 

International hackers group ke dwara kisi particular country ke govt website ya security system me bhed lagane ke maksad se hacking ki jati hai. 

Is tarah se hackers us desh ki khufiya jankari chura lete hai aur unka istemaal terrorism activities me kiya jata hai.

13. Drug Trafficking

Illegal drug trade me iska bakhubi istemal ho rha hai. Drug traffickers usually drug mules kharidne, bechne me encrypted msgs bhejte hai taki police ya interpol unhe pakad na paye.

14. Photo Editing

Hum kabhi kabhar photo shop ya kisi editing software se aslil photo par kisi actor, actress ke face se morphing kar dete hai ya kisi ko badnam karne ke liye nude photo ko edit karke use share karte hai to aisa karna bahut bada apradh hai jiske liye aapko saja bhi ho skti hai.

15. Invalid ad clicks

Aap aur mere jaise kuch blogger aur publisher apne website ko ad network jaise google adsense, infolinks etc se monetise karke khud ya fir apne janne walo ko ad click karne ke liye kahte hai jisse advertiser ko nuksaan uthana padta hai. 

Aisa karne pe ad network aapko ad serve karna to band karega hi sath hi me aap saja ke patr bhi ban jayenge. 

Cyber Crime se kaise bache

1. Agar aap ki life me jo bhi aapka partner ya lover hai to aankh mund ke unpe trust na kare jab tak ki aap unhe achhe se jaan pehchan na le. 

kyunki aajkal social media aur chat apps pe msg bhej ke log badi achhe se dosti karte hai aur dhire dhire aapko aisi baton me uljhaya jata hai ki mano aapke liye sab kuch wahi ho aur aapse intimate scene ya nude photo aur video ki demand ki jati hai.
Aap unpe trust karke send bhi kar dete hai to yaad rakhe is duniya me bina kisi matlab ke liye koi kuch nahi hota hai,

Kabhi bhi apni aisi private photo, video kisi ke sath share na kare kyunki ye private photos, videos ke badle aapse paise mange ja sakte hai ya aapka sharirik shosan bhi kiya ja sakta hai.

2. Agar aapke pas koi fake call ya mail aata hai jisme apse aapki bank details ya personal information puchi jati hai to aap aise mail ya call ka kbhi reply na kare. 

3. Spam mail ko open na kare kyunki iske sath virus, spyware bhi ho sakte hai.
Apne computer me hamesha acche quality ka original Anti virus instal kar ke rakhe.

4. Bank ya financial details kisi ke sath share na kare, apna ATM card aur pin no. kisi ko na de. Internet banking istemal karne ke bad ise log out karna na bhule.  

5. Social Media ke dwara apvah failane wali posts ko kabhi like aur share na kare. kisi ke dharmik bhavnao ka social media pe majak na udaye.

6. Social media pe Ladkiyon, mahilao ki post pe ya photo pe bhade comments na de ya unhe aslil ya gali gloch wale messages bhej ke preshan na kare kyon ki jaise koi aapki Maa, behan, biwi ke sath aisa karte hai to aapko kitna bura lagta hoga.

wese hi wo bhi kisi ki maa behan aur biwi hai. Aurton ka samman kare. Agar aisa karte waqt aapki sikayat kar di gyi to jail ki salakhon ke peeche jane se koi nahi bacha skta.

7. Kisi dusre ki website se photo, video, music, animation, logo, blog post jaise creative work ko copy paste na kare. Owner ko pata chalne par aapko iska bahut bhari muawja bhrna pad sakta hai.

8. Pirated software, movies internet se download na kare isse aapke computer me virus bhar jayenge aur software company software piracy ke liye aapse muavja bhi mang sakti hai.

9. Child pornography na dekhe aur na hi aise videos internet pe search, download kare. MMS banake video sites par upload na kare. Aisa karne par bahut sakht saja bhugtni pad sakti hai.

10. Internet connection ka galat use na kare. Open wifi se apne mobile phone aur computer ko connect karke kabhi access na kare.

11. Agar aap publisher ya web owner hai aur apne blog/website ko ad network se monetise kiya hua hai to wrong ad click na kare na hi dusro se karwaye nhi to ad networks aapko block kar denge aur apka income source waste ho jayega.

12. Kisi other person ya actor/actress ki photos ko morph karke aslil photo na banaye, bahut sare log entertainment purpose se aisa karte hai.

COMMENTS

BLOGGER: 3
Loading...
Name

Blogging Health How to Jokes & Shayari Motivational World & Internet
false
ltr
item
Techaruby - Learning Source: Cyber crime kya hai aur isse kaise bache?
Cyber crime kya hai aur isse kaise bache?
Cyber crime wo apradh hai jo Computer, Phone aur internet ki madad se kiya jata hai. Aisa crime karne ke piche paise, shoshan, property lost aur hani pahuchane jaisi wajah hoti hai. Jane Cyber crime aur isse bachne ke upay ke bare me details se hindi me
https://2.bp.blogspot.com/-83bA_33kRWc/WHju54JRaMI/AAAAAAAALhI/SQoiZ7fJ4KQpvqBAyrzFID-yc8yhG0VVACLcB/s1600/Cyber%2BCrime%2Bkya%2Bhai%2Baur%2Bisse%2Bkaise%2Bbache.png
https://2.bp.blogspot.com/-83bA_33kRWc/WHju54JRaMI/AAAAAAAALhI/SQoiZ7fJ4KQpvqBAyrzFID-yc8yhG0VVACLcB/s72-c/Cyber%2BCrime%2Bkya%2Bhai%2Baur%2Bisse%2Bkaise%2Bbache.png
Techaruby - Learning Source
http://www.techaruby.com/2017/01/cyber-crime-kya-hai-aur-isse-kaise-bache.html
http://www.techaruby.com/
http://www.techaruby.com/
http://www.techaruby.com/2017/01/cyber-crime-kya-hai-aur-isse-kaise-bache.html
true
8446310358202439947
UTF-8
Not found any posts VIEW ALL Readmore Reply Cancel reply Delete By Home PAGES POSTS View All RECOMMENDED FOR YOU LABEL ARCHIVE SEARCH ALL POSTS Not found any post match with your request Back Home Sunday Monday Tuesday Wednesday Thursday Friday Saturday Sun Mon Tue Wed Thu Fri Sat January February March April May June July August September October November December Jan Feb Mar Apr May Jun Jul Aug Sep Oct Nov Dec just now 1 minute ago $$1$$ minutes ago 1 hour ago $$1$$ hours ago Yesterday $$1$$ days ago $$1$$ weeks ago more than 5 weeks ago Followers Follow THIS CONTENT IS PREMIUM Please share to unlock Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy