Android phone me mobile internet data kaise bachaye? top 12 tips hindi me.

SHARE:

Android mobile internet data

Ek time tha jab koi sandesh bhejne ke liye insan ko chalke jana padta tha,
jaise jaise waqt badalta gaya, insan ki jarurate badalti gayi aur un jarurto ke anusar insan ne discovery karna shuru kar diya jiska natija aap is yug me dekh sakte hai. 

Technology ne itna vikas kar liya hai ki ab koi sandesh pahuchane ke liye chalke jane ki jarurat hi nahi padti. Ab is technology ke daur me har kisi ke pas apna personal smart phone hai, jisse insan seconds me kuch bhi kar sakta hai.
Jab phone start huye the us waqt phone me sirf call aur messages hote the. Waqt ke sath jarurte badli aur internet aa gaya. Ab insan bate kam aur social media pe jyada active rahta hai jiske liye internet ki jarurat padti hai.


Humare india me internet plans bahut hi mehnge hai jiski vajah se hume monthly internet pe bahut jyada kharch karna padta hai kyunki is generation me hum internet ke bahut hi aadi ho gaye hai.

Me apne bare me hi baat karun to jab me foreign me tha tab waha unlimited internet data bundle use karta tha aur internet habitual ho gaya jab india me dekha ki koi aisa unlimited plan hi nahi hai to discover karna start kiya but all in vain. Par dosto mene ek baat jarur notice ki unlimited internet to nahi hai par apne android phone me internet data ko jyada use hone se bachya ja sakta hai.

Me aapko bahut hi effective tarike bataunga jisko implement karke aap apne android phone me bahut sara internet data waste use hone se bacha sakte hai.

Also read:Youtube par channel kaise banaye aur adsense se link kaise kare?

Set internet data limit

Agar aap heavy internet user hai to sabse pahle aapko ye ensure karna bahut jaruri hai ki aapka monthly internet data usage kya hai jisse aap apne budget ke anusar data limit set kar sakte hai aur track kar sakte hai ki end of the month aapka phone kitna internet data use kar rha hai.

Aapke android phone me ye inbuilt data usage functionality hai jise niche instruction ke sath set kare.
  1. Sabse pahle apne phone me internet data enable kar.
  2. Settings >> Data usage pe jaye.
  3. Mobile data traffic aur Set cellular data limit ko on kare.
  4. Orange line ko scroll karke monthly data budget set kare.
  5. Black line ko scrolling karke data usage warning set kare jisse apka phone automatically warn karega ki aap is limit tak pahunch chuke hai.
  6. Date set kare kab se kab tak ke data usage ko track karna chahte hai.

Android me heavy mobile internet Data usage bachane ke liye best tips.

Mobile data usage set karne ke baad hum easily ye track kar sakte hai ki monthly hamara phone kitna data consume karta hai aur kon konse apps kam ya jyada data use kar rahe hai. Taki hum apne phone me kuchh improvement karke extra internet usage ko kam kar sake.

Chaliye jante hai kuch khas android tips jinse aap apne android phone ke extra Data usage ko cut karke mobile bill ko thoda kam kar sakte hai.


1.Auto-updates apps ko disable kare.



Humare android smartphone me hum bahut sari apps use karte hai. Jab bhi developers apps ko playstore pe update karte hai to humare phone me downloaded app automatically update honi shuru ho jati hai jab bhi hum internet data on karte hai aur hamara bahut sara internet data chaba jati hai.

Do not auto updates app in android

By default android phone me Auto-updates apps at anytime set hoti hai. Isko change karne ke liye simply apne phone me play store pe jaye aur Settings>>Auto-update apps pe tap karke Do not auto-update apps ya Auto-update apps over WI-FI only select kare. Isse apps apne aap update nahi hogi aur hamara bahut sara internet data waste hone se bach jayega. 



2.Restrict background data.

Jab hum phone use nahi karte hai tab bhi apne phone me bahut sare hidden process jaise android system, email synchronization, whether updates, news widgets etc apne aap chalte rahte hai jisse hamare phone me internet data use hota hai par hume pata tak nahi chalta. 

restrict app background data in android

Isko stop karne ke liye Settings>> Data usage pe tap kare aur right hand side upper corner me three dots pe tap karke Restrict app back ground data pe tap kare. Ab apke phone me background data use stop ho gaye hai.

3. Facebook auto video play ko disable kare.

Facebook hamare phone me sabse jyada data khati hai kyunki hum facebook pe most of time active rahte hai, sach bolu to hum facebook addicted ho gaye hai. 

Din me bahut sare groups, profiles, pages par visit karte hai aur jab hamare samne koi video aata hai to apne aap play hone lag jata hai natija bahut sara internet wastage. Aapke facebook apps me auto play video option enable hone ke karan apne aap video play hota hai. 

facebook auto play video

Isko disable karne ke liye Facebook app me jaye aur App settings>> Auto play pe tap kare aur Never Autoplay Videos select kare.



4. Google chrome data compressor ka use kare.

Google chrome ek bahut achha web browser hai jisme data save karne ki functionality hai. Agar aap daily jyada internet access or web surfing karte hai to chrome ka use kare jisme aap data saver enable karke 30-40 percent internet data bacha sakte hai.

chrome data saver

Iske liye chrome browser me right hand side, upper corner me three dots pe tap kare aur settings>> data saver pe tap karke on karde. Data saver on karne ke bad jab aap chrome me websites access karenge to data saver web pages ko compress karke browser me show karega jisse bahut sara internet data save hoga.


5. Hamesha offline google maps ka use kare.

Agar aap navigation ke liye google maps use karte hai to hamesha offline map ka use kare iske liye offline map downloading me thoda time aur internet data jarur lagega par ek bar download hone ke bad us downloaded portion ko bar bar dekhne aur navigation use karne me data waste nahi hoga. 

android offline google maps

offline map download karne ke liye google maps me jake jis portion ko download karna chahte hai usko zoom kare aur search bar me "ok maps" type kare, aapke pas download ka option aa jayega jis pe tap karke download kar sakte hai.



6.Synchronization aur backup ko stop kare.

kuchh apps ko sync. karne se notificatification push karti hai jisse internet data waste hota hai. Jin apps aur account ki jarurt na ho unko unsynchronized karde.

Google photos, docs pe jab backup enable hota hai tab jitne bhi video, audio hamari device me hote hai sabhi google server (google photos) pe chale jate hai aur hume is bat ka pata bhi nahi rahta hai jisse suddenly pura mobile data finish ho jata hai, Agar aap limited data user hai aur apne photos, videos ka backup nahi chahte hai to is disable kare.

android google photos backup

Photos, videos backup band karne ke liye google settings me jaye aur google photos backup pe tap kare aur off kar de.



7.Gmail attachment ko disable kare.

Agar aap gmail ka jyada use karte hai to ye bhi apke phone me faltu wastage ka ek karan ho sakta hai kyon ki din bhar bahut sare mails aate rahte hai agar aapka gmail account synchronise hai to apko mail push notification milega aur mail attachments jaise photo, video hai to apne aap download ho jayenge. Apne gmail account me Auto download attachment ko wi-fi pe set kare.

android gmail attachments

Iske liye apne gmail account settings me jaye aur download auto attachment on wi-fi select kare



8.Cache clear na kare.

Browser cache clear na kare kyunki jab hum websites visit karte hai tab website ke data, images browser me load ho jate hai aur jab next time ussi website pe visit karenge to bina jyada internet data waste  kiye us website ko browse kar sakte hai.



9.Download offline video.

Agar aap bahut jyada youtube par video dekhte hai to un videos ko download karke offline dekhe jisse apko same video bar-bar youtube pe nahi dekhna padega aur internet data wastage kam hoga. Official youtube app me offline video save karne ka option hai jisse aap video download karke dekh sakte hai. 

android offline youtube video

Iske liye apne android phone me youtube app me video ke niche download icon pe tap kare, apka video download hona shuru ho jayega. 

Bahut sare apps aur website jaise Tube mate, savefrom.net etc se bhi offline youtube video download kar sakte hai.



10.Data compressor ka use kare.

Kuchh websites well optimized nahi hoti hai ya unpe heavy advertisements hote hai, jab hum aisi websites pe visit karte hai to hamara bahut sara internet data kha jati hai.
android data compressor

Isse bachne ke liye data compressor apps jaise Onavo extend, Opera max ka use kare. In apps ko mobile me launch karte hai tab ye VPN (virtual private network) banati hai aur browsing ke dauran sabhi apps, websites data inke server se compress hoke phone me load hote hai jisse hamara bahut sara mobile internet data lost hone se bach jata hai.




11.Opera video compression ka use kare.

Agar aap internet pe jyada videos dekhte hai to me apko opera browser recommend karunga kyunki opera browser me video compression ka option hota hai jisko on karne ke bad jab aap videos dekhenge to opera server video ko compress karke fast loading speed se browser me bhejega jisse apka bahut sara internet data bhi save hoga aur video bhi fast speed se chalega. 

android opera video compressor

Is option ko use karne ke liye opera browser me Settings>>Data savings pe tap kare aur Video compression pe tick mark karde.


12.Offline games aur apps use kare.


Aajkal playstore pe online games aur apps ki bharmar hai jo aap ka bahut sara data chaba jate hai, Hamesa aise games aur apps ko avoid kare aur offline games aur apps ka use kare.

Also read: Internet se paise kaise kamaye?

Final Tips

Jab aap mobile data use nahi kar rahe ho to mobile data ko off karna na bhule kyunki isse aapke mobile internet data aur bettary dono ki bachat hoti hai.

Agar aap limited internet user hai to high quality videos download aur upload na kare. 

Youtube videos dekhte waqt niche gear icon pe click karke quality me low quality jaise 144p aur 250p etc choose kare jisse aap video bhi dekh lenge aur apka bahut sara internet data consume hone se bach jayega.

Mobile me faltu ki apps ko uninstall karde jo aap ke phone ki speed, internet aur bettary ko maarti hai.

I hope dosto ye information apke bahut kaam ayegi aur shayad kabhi hamare india me bhi aisa waqt aayega jab sabhi ke pas unlimited internet hoga tab tak in bato ka palan kare aur apne mobile internet data ko faltu me waste hone se bachaye.

Thank you.

Ye bhi padhe:




COMMENTS

BLOGGER: 2
Loading...
Name

Blogging Health How to Jokes & Shayari Motivational World & Internet
false
ltr
item
Techaruby - Learning Source: Android phone me mobile internet data kaise bachaye? top 12 tips hindi me.
Android phone me mobile internet data kaise bachaye? top 12 tips hindi me.
Jane top 12 tips jisse aap apne android smartphone me 50% tak mobile internet data waste hone se bacha sakte hai jo apke monthly internet expense ko kam kar dega.
https://3.bp.blogspot.com/-cgF4pP-zR80/VyNOqBza0aI/AAAAAAAAJoA/MgwuDwjH4mk5YddhBh-6DZmc6cGmgLofwCLcB/s1600/Android%2Bme%2Binternet%2Bdata%2Bkaise%2Bbachaye%2B%25282%2529.png
https://3.bp.blogspot.com/-cgF4pP-zR80/VyNOqBza0aI/AAAAAAAAJoA/MgwuDwjH4mk5YddhBh-6DZmc6cGmgLofwCLcB/s72-c/Android%2Bme%2Binternet%2Bdata%2Bkaise%2Bbachaye%2B%25282%2529.png
Techaruby - Learning Source
http://www.techaruby.com/2016/04/android-phone-me-mobile-internet-data-kaise-bachaye.html
http://www.techaruby.com/
http://www.techaruby.com/
http://www.techaruby.com/2016/04/android-phone-me-mobile-internet-data-kaise-bachaye.html
true
8446310358202439947
UTF-8
Not found any posts VIEW ALL Readmore Reply Cancel reply Delete By Home PAGES POSTS View All RECOMMENDED FOR YOU LABEL ARCHIVE SEARCH ALL POSTS Not found any post match with your request Back Home Sunday Monday Tuesday Wednesday Thursday Friday Saturday Sun Mon Tue Wed Thu Fri Sat January February March April May June July August September October November December Jan Feb Mar Apr May Jun Jul Aug Sep Oct Nov Dec just now 1 minute ago $$1$$ minutes ago 1 hour ago $$1$$ hours ago Yesterday $$1$$ days ago $$1$$ weeks ago more than 5 weeks ago Followers Follow THIS CONTENT IS PREMIUM Please share to unlock Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy